Ekainaren 28an, asteazkenarekin, alardeko kantinerak aurkezteko desfilea dela-eta, murrizketa batzuk izango dira Irunbusen hiri barruko autobus lineetan, 22:15etik 23:30era bitartean gutxi gorabehera.
Irunbus L1: Zaiza – Ospitalea
- Ospitalerantz:
22:15etik zerbitzua bukatu arte, autobusak Dunboako anbulatorioko biribilguneraino iritsiko dira –ez dira sartuko geralekuan, baina bidaiariak jasoko dituzte–. GI-636 errepidetik, Mendeluko biribilgunetik Letxunborro hiribidera sartu, eta ospitalerantz egingo dute, betiko bidetik. - Zaisarantz:
22:15etik zerbitzua bukatu arte, autobusek betiko ibilbidea egingo dute Aldabe Mendia kaleraino. Handik, Letxunborro hiribidean behera, GI-636 errepidetik, Osinbiribil biribilgunera joango dira, eta, handik aurrera, betiko ibilbidea egingo dute Zaisaraino.
Irunbus L2: San Juan – Ventas – Txingudi
22:20tik zerbitzua bukatu arte, abiaburua Elizatxo hiribideko 10 zenbakia izango da (Sindikala).
Irunbus L3: San Juan – Artia
22:30etik zerbitzua bukatu arte, abiaburua Nafarroa hiribideko 18 zenbakia izango da.
Irunbus L4: San Juan – Anzaran – Olaberria
22:15etik zerbitzua bukatu arte, abiaburua Olibondoen biribilguneko geralekua izango da (Elizatxo hiribideko 11 zenbakia).
Murrizketak desfilearen azkenak aurrera egin eta agintariek baimena eman ahala kenduko dira.
